أفضل مواقع مجانية للصيادلة لاغنى عنها

بنحتاج كصيادلة دايما مراجعة اخر تحديثات الادوية من تفاعلات او تحديث فى الجرعات او حتى الادوية الجديدة وتكون مصادر قوية هنعرض هنا عدد من اقوى المواقع والتطبيقات وهنركز على الجانب المجانى اللى ممكن اى صيدلي يستفيد منه بشكل كامل:

فارمافاكتز PharmaFactz:

https://pharmafactz.com/

https://www.facebook.com/pharmafactz

من افضل المواقع اللى بيوفر معلومات حديثة بطريقة عرض تسهل التذكر والحفظ

كمان ممكن تقيم نفسك باختبارات مجانية

صفحتهم على الفيس بتقدم محتوى مجانى للمذاكرة باساليب تسهل الحفظ والمراجعة لازم تتابعهم حالا

برشح الموقع لطلاب الصيدلة والطب البشرى والخريجين للحصول على خلاصة المعلومات الحديثة

كمان ليهم مدونة مقسمة ممكن تستخدمها زى ملزمة او مرجع للمذاكرة:

https://pharmafactz.com/pharmacy-blog/

مدونة فارمافاكتز

درج بانك اونلاينDrugBank online:

https://go.drugbank.com/

مثال للبحث داخل درج بانك

كمية معلومات مجانية عن اى دوا تتخيله بتدور باسم المادة الفعالة بتلاقى من اول المعلومات الكيميائية الى دواعى الاستخدام وكيفية الحماية فى حالة التسمم الخ

مميزات الموقع: انه مرتب جدا جدا جدا ومنظم فى طريقة عرضه وبالمصادر كمان

برشح الموقع للصيادلة اللى بتدور على معلومات لابحاث عن دوا وعاوزه كل المعلومات فى مكان واحد

وكمان لل community pharmacists لو محتاج معلومة سريعة عن جرعة او استخدام دوا او حالة تسمم

كمان هتلاقى ال toolbar اللى فى الصورة دى تقدر تدور فيه على اى DDI او انتراكشن بين الادوية وميزات اخرى كتيرة

ساينس دايركت Sciencedirect:

https://www.sciencedirect.com/

موقع بيقدم اخر الابحاث (مش كلها مجانية) فى المجال اللى تحبه ولو دورت باسماء الادوية او دخلت على علم الفارما او اى علم من علوم صيدلة (او اى علم تانى) هتلاقى بحر من الابحاث مرتبة حسب التاريخ والمجانى بيكون له open access فتقدر تدخل عليه
فى حالة انك محتاج المحتوى الغير مجانى وفيه فائدة ليك فممكن تاخد لينك البحث او الجورنال او الكتاب وتحطه فى موقع scihub وهيفتح لينك اللينك وتقدر كمان تحمله فبرجاء استخدام هذه الخطوة للطلاب ومريدي العلم فقط

برشح الموقع طبعا للطلاب اللى بتدور على معلومات مفصلة للأبحاث والتعلم